ليه كل سنه نقول لبعض كل سنة وأنتم طيبيــــن
هو ده بيبقى أمل ولا دى عادة عند المصريين
يعنى نبقى متنكدين وقرفانين ومكبوتيـــــن
ونقول برضه كل سنة وأنتم طيبـــين
طيب ماتيجى نرجع سنة أو سنتين أو حتى عشر سنين
نقيس الحلو والمر نشوف الخير والشر نسأل دموع العين
يا ترى ظلمنا حبايبنا ولا إحنا منهم مظلوميـــــن
حتى فى شغلنا زمايلنا بيلعبونا ولا مخلصيــــن
وبرضه بنقول كل سنة وأنتم طيبيـــــن
وكل سنة تمر العمر معاها بيمر وأدينا كده ماشيين
ومفيش جديد الجعان جعان والسعيد سعيد والحزين حزيـن
وحتى لو ركبنا فى الباب عين سحرية برضه هنقول ميـن
أصل إحنا متعودين دايما نقول لبعض كل سنة وأنتم طيبيـن
كل سنه وأنتم طيبيــــــن
ورقة وقلم
