عبد الحميد بدوى يكتب: شارعنا القديم

الخميس، 21 مايو 2015 12:00 ص
عبد الحميد بدوى يكتب: شارعنا القديم شارع قديم - أرشيفية

مشاركة

اضف تعليقاً واقرأ تعليقات القراء
بخاف أعدى من شارعنا القديم
مش عشان حاجة والله العظيم
ومالكم عليا يمين
بس بخاف أعدى
روحى تروح منى
ويقتلنى الحنين
بخاف يسألنى عن عمرى
اللى راح هدر
وليه عايش حزين
وانت اللى كنت بتضحك
البشر والحجر والطين
جبت الهموم منين ؟
بخاف يسألنى ويقولى
أنت فين ؟
وأنا تايه مع التايهين
من يوم ما سبت
شارعنا القديم
مين اللى قال أن الشوارع
ما بتحسش مين
الشوارع حكايتها حكاية
كلها شوق وحب وعطف وحنين
وبتحزن فى الحزن وبتفرح فى الفرح
أكتر من البنى آدميين








مشاركة



الرجوع الى أعلى الصفحة