هتحسى يوم وعيونِك انتِ تبصلى
وتضُمى قلبى بين ايديكِ وتسألى
ولا خلاص هتودعينى بِعدها
وف يومها تنْسى حُبى ليكٍ وتتقلى
لَفيت بلاد مالقتشى غير قلبك وطن
فاتعلمى إزاى بُحبك توُّصِلى
يالله اركبى ريح القلوب وتعطرى
و ف قلبى خَطى جوه منى و اووصَلى
وما تبخليش على قلبى مره بنظرتك
إتمردى وتقربى واتدللى
جواك شىء ما قدرشى قلبى يعرفُه
لما قدرتى بالحنان تتسللى
وغلطت لما قلبى تاه عن قِبلتك
واتارى قلبى بِعشقِك انتِ مُبتلى
ظَنيت بإن الحب كلمة ف الهوا
أقدر أجربها كتير وهترحلى
لكن لقيتك جوه منى ف الحشا
وانك معايا ف قلبى لازم تفضلى
وبحس فيكِ كُل شىء فيه مختلف
ماسكة خيوط قلبى وفيها بتغّزِلى
رِقه وطيبه وكل شىء فيكِ لقيت
زى الملاك لمّا ساعات تتغزَّلى
مالهاش أمان الدُنيا بعدِك كُلها
صادقه كتير ولا كنتِ مره تضللى
بتحاوطى قلبى بالحنان وبتسكتى
وبرمش قلبك كنتِ فوقى تضللى
حُسنِك طريق بيحاوطه طاقه منوُّره
ولا لحظة محتاجه معاه تتجملى
قلبى بيشتاقلك وانتِ قُرِّيبه
خَطى برجلك جوه منه اتاملى
وما تحسبيش شفت ف بُعادك يوم هَنا
مش بالسهوله هتحسبى وتعِدِّلى
محتاج حنَينك يرُّوى قلبى يوم هِنا
وبايدك انتِ من طباعى تعَدَّلى
وهتقدرى وتقدّرى قلبى عشان
واثق باِنك ف المحبه هتعْدِلى
وعرفت مهما قسيت عليك أو نسيت
"ما الحبُّ إلا للحبيبِ الأولِ "
حبيبين أرشيفية
