رنا سماحة على "إنستجرام": سر السعادة هو الرضا وخلى جواك يقين وإيمان بربنا

وجهت المطربة رنا سماحة عدة نصائح للشباب عبر صفحتها على موقع "إنستجرام": "ارضى بحياتك وارضى برزقك.. ارضى بكل اللى ربك كاتبهولك واعرف انه أكيد خير.. إرضى بالقضاء والابتلاء وقول الحمدلله.. والله هتلاقيها بتتفتح قدامك.. اصبر فإن الله مع الصابرين".

وتابعت المطربة الشابة: "خلى جواك يقين وثقة وإيمان كبير بربنا وبرحمته اللى وسعت كل شىء.. عيش أعبد ربك حب عيلتك حب الناس حب نفسك.. أه حب نفسك أصلك لو ماحبتهاش ماحدش هيحبها.. خلى دايما جواك أمل وإصرار وأوعى تيأس.. اتعلم ازاى الضربة اللى تجيلك تقويك وتزيدك اصرار.. اتعلم ازاى تخلق من السلبيات اللى ف حياتك إيجابيات".