بالفيديو..شوبير يسخر من أعضاء الجبلاية: "حمادة بياخد دش وجيمى ماسك البشكير"

سخر الإعلامى أحمد شوبير، من أعضاء اتحاد الكرة، بسبب عدم مناقشتهم الأسباب التى أدت إلى إخفاق المنتخب الأوليمبى فى تصفيات أولمبياد 2016.

قال شوبير أثناء تقديم برنامجه "مع شوبير" عبر شاشة "صدى البلد" : "أخبار هزيمة المنتخب الأوليمبى يا فندم إيه صحيح، فاكرين اللى أنا قولته، لما حمادة يلعب ، حمادة يا حمادة يا سكر زيادة، فحمادة يجيى يقعد مع جيمى علشان يظبطوا الليلة، وده يقوله ليه يا حمادة يا حبيبى، وده يرد اصل يا جيمى يا حبيبى، ويتحرق المنتخب الأوليمبى، وتتحرق الكرة المصرية".

أضاف شوبير: "أحنا خسرنا أمتى، والمنتخب طلع أمتى، طيب اجلوها ليوم الأربع، طيب النهاردة أيه يا ولاد، النهاردة الإثنين اللي بعديه يا ولاد، هو الكابتن حمادة من ساعت ماجيه لسة ما خدش الدش، لسة ما طلعش من الحمام، والماية لسة بتش فوقيه؟! والكابتن جمى واقف مستنية بالباشكير علشان يقوله نعيماً يا حياتى نعيماً يا جميل، وبعدين يبصوا مع بعض على نتيجة المنتخب الأوليمبى"؟


أكد شوبير، أن اتحاد الكرة سيستغل انشغال الجميع باستئناف الدورى العام، والتعتيم على أسباب إخفاق المنتخب الأوليمبى.

ورفض شوبير، استخدام اتحاد الكرة شماعة الإخوان ، لتشويه صورة الحكام الذين يطالبون بمستحقاتهم المالية المتأخرة، متسائلاً: "لما يجى النهارة أحمد حمدى ورفاقه يطلبوا بفلوسهم تقولوا عليه اخوانى؟! ايه الناس هترجمه يعنى؟!، الراجل محامى ولا ليه فى الإخوان ولا غيرهم، ولما أنت عارف أنه أخوانى خليته يحكم ليه من الأول".