لما السما تمطر شوية
مصر بتغرق فى شبر ميه
والشمس ما بتطلعش
والنور ما بيظهرش
وتلاقى الأرض طينت
والدنيا غيمت
والزحمة فى كل حتة
ما تعرف تروح فى حتة
وفى عز الظهرية
تحس إنك فى المغربية
الناس يجيلها برد
وتسمع فى السماء صوت الرعد
تلف نفسها فى البيت بالبطانية
تدفى من الصقعة شوية
ويحلى السمع للموسيقى الهادية
والطرب الأصيل لأم كلثوم وشادية
وريحة المطر وورق الشجر يطير من هوا البرد
وجمال قطرات المطر لما تنزل على الورد
وقلوب العاشقين لما ترق وتذوب
والهوى فى الشتاء يدفى القلوب
وناس ينزل عليها المطر يمسح عرقها
من التعب والشقى يبل ريقها
ليالى الشتا فيكى يا مصر وعشقى ليكى من غير حدود يا مصر
لشتاء القاهرة
