كنت فى يوم
شجرة قوية البنيان
مزروعة على شط
أجمل الشطآن
ما حد يقدر يزعزعنى
من مكان لمكان
أو يقوللى تلت التلاتة كام
وكان عودى يشبه
عود المانيكان
وكانوا بيسمونى
زينة الأشجار
أم خدود بلون الخضار
اللى متأصلة أبا عن جد
وكلام كتير متفصل ع القد
كان بيرعانى جناينى
ابن أصول
ولما أعطش يروينى
من مية الينبوع
وكان يومى بيومين
ولما جدورى ضعفت
ولادى عنى بعدت
وصبح حالى حال
ولا أعرف ليل من نهار
والصبر اللى من جوايا
رصيده نفذ
لكن عندى أمل
فى خالق الكون
من العدم
ورقة وقلم
