تقول كلمات الأغنية
وباتنازل
وأبيع روحى فـ مزاد حيرتِك
ماقولش بـ كام؟
وعامل م اللقا عازل
ما بين إحساسى بالغربة
وبين تصديقى للأحلام
وأميل على إيدِك الناعمة
بإيدى عشان أكلِّمها
وأعلِّمها
تُحط لحزننا نهاية
آلاقى ضباب غريب أعمى
بيسرق ضحكتِك منى
بيهزمنى
ويخنق حاجة جوَّايا
ونفسى أصرخ وأبوحلِك
بالألم والخوف
وأكون ثغرة فـ حصون كُحلِك
لكن مكسوف
عشان مسنودة بجروحِك
على ضحكى
عشان عايزانى آه عايزانى
لما أحكى
مابانش حزين
وباين صرختى تاهت
فـ وسط كلام كتير باهت
بأقولهولِك
ومش عارف واخدنى لفين
وأعيدهولِك مِن الأوِّل
وتتشبِّك صوابعنا
بتنكر إننا ضيعنا
يموت الحلم يتحوِّل
عرق بارد ما بين كفِّين
