الحاجة ألطاف تتبرع بـ9 قراريط لبناء مدرسة للبنات
والتقى "اليوم السابع" الحاجة "ألطاف"، وقالت: "أنا نفسى قبل ما أموت أقابل الرئيس عبد الفتاح السيسى، وأقوله أنا بحبك وأنا اخترتك واديتك صوتى، وأنا مش طالبة أى حاجة من الدنيا قبل ما أموت إلا إنى أشوف المدرسة اللى حلمت بيها اتبنت لخدمة القرية والقرى المجاورة لها".
السيدة المسنة تطالب الرئيس السيسى بسرعة الاستجابة لطلبها
وقالت: "وأنا زرت بيت الله الحرام 9 مرات، منهم حجتين و7 عمرات، وهاسافر فى شهر 3 الجاى وهادعيلك وادعى لمصر إن ربنا يحميها ويكرمها ويوفقك ياريس، ومش عاوزة حاجة من الدنيا غير المدرسة وتبقى صدقة جارية لما أموت".
ووجهت رسالة من خلال كاميرا "اليوم السابع" للرئيس "السيسى": "يا سيادة الرئيس نفسى قبل ما أموت أحقق حلمى وأقابلك وأقولك أنا مش محتاجة حاجة غير إنى عايزة مدرسة للتعليم الفنى للبنات تتبنى فى القرية، ولو عاوز فلوس كمان أدفع، ولو عاوز الأرض بمحصول القمح اللى فيها أنا موافقة لأنك تستاهل كل خير ونفسى تقابلنى وتقبل الأرض زى ما قابلت السيدة جيهان السادات، وقبلت تبرعها لصندوق تحيا مصر، ونفسى قبل ما أموت أحقق حلمى وأشوف المدرسة اتبنت".
الحاجة ألطاف تروى التفاصيل لليوم السابع
وأضافت: "والدى كان زميل الشيخ شلتوت، وقتل جندى إنجليزى فى ثورة 1919 فى طنطا، وأنا قابلت الرئيس جمال عبد الناصر مع والدى وشقيقى الذى كان يشغل منصب المستشار القانونى للرئيس عبد الناصر لتوزيع الأراضى"، وأضافت: "أنا عاوزة أقابلك يا سيادة الرئيس بأسرع وقت".
محرر اليوم السابع مع الحاجة ألطاف
ووجهت التحية للرئيس السيسى قائلة: "شعب المحلة الكبرى كله بيسلم عليك وطلباتك كلها أوامر"، وطالبت الحاجة "ألطاف" بإنهاء الإجراءات فى أسرع وقت، مؤكدة أنها على تم الاستعداد لتنفيذ أى طلبات، ودعت الحاجة ألطاف للرئيس السيسى قائلة ربنا يديلك الصحة ويكرمك، واختتمت حديثها بترديد تحيا مصر تحيا مصر تحيا مصر.
بطاقة الحيازة الزراعية الخاصة بأرض الحاجة ألطاف
الحاجة ألطاف ترفع بطاقة الحيازة الزراعية للأرض التى تملكها
الدكتور إبراهيم درويش الفقيه الدستورى شقيق الحاجة ألطاف أثناء تكريمه
صورة بطاقة الرقم القومى الخاصة بالحاجة ألطاف
