امتى نور الشمس يرجع يا بلادى
يتولد معاه ميلادى
وأقلع توب السواد
أفرح وأنسى الآهات
وأنول معاكى المراد
أخاف أصرخ عناد
ألاقى حضنك وداد
تقولى هان الميعاد
أيدك فى أيد ولادى
طول عمرى كايدة الأعادى
واوعاك أبدا تطاطى
ارفع جبينك ولا تنحنى لأى عادى
دا صوت الحق ساد
وانكسر خوف العباد
من اللى بيتاجر
واللى دخل بيك المزاد
أن الأوان تكون عنوان
للى جاى وأنسى إللى كان
مش كل مرة أيدك على خدك
ولازم أصرخ عليك ونادى
امتى نور الشمس يرجع يابلادى
ضوء الشمس على مصر
