سالمْ عاطلْ وحالمْ
كان نفسه يوم يهاجرْ
سالمْ ما عادش سالمْ
غرق فى بحر غادرْ
وجدوا فى جيبه رسالة
بتقول يا أمى حا أكافحْ
مهما تسوء الحالة
حا أرجع وأنا ناجحْ
مِش ممكن أنسى حنانك
ولا يمكن أن أنسى اخواتى
إنتِ بذلتِ حياتكْ
وحا أفدى الجميع بحياتى
البحر عالى يا أمى
والناس كثير فى القاربْ
والرعب زاد من همى
وربى أمره غالبْ
ادعى لى أرجع تاني
يمكن ألاقى خطيبتى
إيه أحلى من أوطانى
طابتْ يا أمى وطبتِ
باين علينا حا تغرقْ
مين بقى يتحبنى!
عارف دموعك تحرقْ
لماَّ قوام تبكينى
سالمْ عاطلْ وحالمْ
كان نفسه يوم يهاجرْ
سالمْ ما عادش سالمْ
غرق فى بحر غادر
![د. ماهر توفيق صالح يكتب: قارب الهجرة د. ماهر توفيق صالح يكتب: قارب الهجرة](https://img.youm7.com/large/small9200821153247.jpg)
مشاركة
اضف تعليقاً واقرأ تعليقات القراء
مشاركة