يحكى "إسلام"، خريج كلية تجارة خارجية وأحد قادة فريق "جو بايك" للدراجات، عن تفاصيل جولاته الممتعة المرهقة، التى اقتنصت له ميدالية ذهبية ومركز أول؛ لقطعه أطول مسافة على مستوى المشاركين فى المسابقة وهى 1636 كيلو مترًا: "كنت بدرب الصبح فى شركة وبشتغل بليل فى محل حلاونى وأى وقت تانى قدامى كنت بنزل فيه بالعجلة، مكنتش بنام تقريبًا عشان كان قدامى هدف عاوز أوصله وهو الفوز فى المسابقة والشهرة اللى هيحققها لى لأن حلمى من أول مرة ركبت فيها عجلة من سنة وشهرين هو المشاركة فى سباقات دراجات والانضمام لمنتخب الدراجات، لأن مفيش مصرى محترف فى المجال ده زى بره مصر".
جولات "إسلام" تضمنت الذهاب إلى الإسماعيلية ومدينتى والشروق والمعادى وحلوان وطريق العين السخنة، والمقطم، ويضيف لـ"اليوم السابع": "كل متسابق موصل بدراجته برنامج بيحسب المسافة اللى قطعها بالدراجة وبتدخل البيانات بشكل يومى على موقع على الإنترنت، وفى نهاية فترة المسابقة يتم حساب إجمالى المسافة اللى قطعها، وفى جائزة تانية فزت بيها وهى أقصى ارتفاع تم الوصول إليه بالدراجة بعد ما طلعت أكثر من مرة المقطم بإجمالى مسافة 9 آلاف متر صعودًا".
إسلام أحمد
الشهادة التى حصل عليها بمناسبة فوزه
إسلام مع بقية المتسابقين
