أجاب الشيخ خالد الجندى، عضو المجلس الأعلى للشئون الإسلامية، على سؤال فتاة حول: "هل كثرة الذنوب تمنع من التوبة"؟.
وأوضح عضو المجلس الأعلى للشئون الإسلامية، خلال حلقة خاصة بعنوان "حوار الأجيال"، ببرنامج "لعلهم يفقهون"، المذاع على فضائية "dmc"، اليوم الأربعاء: "لا أحد من الناس يتكلم نيابة عن الله، وبالتالى مش من حق حد يقول ربنا زعلان منك، انت مين انت معاك تفويض مثلا هو جالك وحى مافيش وحى بعد سيدنا النبى عليه الصلاة والسلام فبالتالى ماحدش يتكلم باسم الاله امراء الجماعات الارهابية اللى عملوا ايه جريمتهم ايه أنه بيتكلموا باسم الله، وكان فى مسلسل اللى هو بتاع الحشاشين ده اللى قدمته الشركة المتحدة، كان مسلسل مهم جدا بيوجه الناس لحاجه فى منتهى".
وتابع: "الأهمية بيقول له انت كل القصه دايره حوالين واحد أوهم غيره أن معاه مفاتيح الجنة فهل هناك واحد مه مفاتيح الجنه أكيد لا وبالتالى كل انسان يؤخذ منه ويرد".
واستكمل: "احتمال الخطأ والصواب وارد من كل إنسان فما فيش حد يمضى على بياض لحد وبالتالى عيب بعض الأولاد فى الجيل فى الجيل بتاعكم ويعنى للأسف عيب البعض ما أنا مش بعمم أن هم بيصدقوا كل ما يقعد فى السوشيال ميديا بيقبلوا أى خبر من غير تريث او تثبت ممكن يزعزع ثوابت عندك وثوابت عندك ودى مشكله كبيره جدا يعنى استعدادك لتصديق كل ما يقال ويكتب على السوشيال ميديا بعض الناس فاكر أن واحد يكون عنده مدونه على النت أنه ده سيدنا جبريل اللى بيكتب دوه بعض الناس فاكر أنه مجرد أن واحد بيقول رايه فى مساله أن ده الامام الشافعى اللى كتب رايه الفقهى فى المسالة".
