" أنا طالب بدرس في الجامعة وباشتغل بائع سمك علشان الشغل مش عيب ودى مهنة أبويا يعنى مهنة وراثة أبا عن جد" هكذا بدأ محمد يروى تفاصيل حكايته عن مهنة بائع السمك.
وقال محمد مهران لـــ "اليوم السابع" أنا شغال في بيع السمك بكل أنواعه فى السوق من وأنا طفل علشان دي مهنة والدي وكنت بأخلص المدرسة وأقف أبيع معاه وأساعده في كل حاجة واتعلمت منه المهنة وأشوف الزبائن طلباتهم أيه وأعملها".
وأضاف محمد : "والدي علمنا الأمانة في الشغل، وأصر علي أننا نكمل تعليمنا في الجامعة أنا وشيقيقي وبالفعل التحقت بالجامعة وبعد ما اخلص دراستى هشتغل في مهنة والدى والناس كلها بتشجعني وتدعمني وبنصح كل شاب حتي لو خريج جامعة يشتغل ويحقق حلمه في أي مهنة يكون بيحبها ما يقولش أنا معايا مؤهل عالي وما يتكبرش علي الشغل".
