الفنانة نيللى: الست لو سعيدة فى الحب بتبقى "ملعلعة"

قالت الفنانة نيللي، إن المرأة لكي تعيش سعيدة لا بد أن تكون مُتسامحة وراضية، مشيرة إلى أن رضا النفس، يجعل الإنسان سعيدا على الدوام، مشيرة إلى أن ذلك يأتي مع الحكمة والنضج، لأن الحياة ستكون أكثر راحة إذا نظرنا للأشياء الإيجابية، ونغض النظر عن الأمور السيئة.

وأضافت خلال مداخلة ببرنامج "الستات ميعرفوش يكدبوا" الذي يذاع على قناة "cbc": "الست لو سعيدة في الحب تكون (ملعلعة)، وبالنسبة لأجمل فيلم ليا، لما حد بيسألني إيه هو، بقولهم وبيجي في ذاكرتي فيلم عذاب امرأة، أنا اللي اخترت الدور ده، وكان في دورين وأنا دوري في الفيلم اللي اختارته، أنا اللي اخترت مكونش الشخصية الطيبة في الفيلم".

وقالت: "الجيل الجديد كلهم حلوين، وأنا بحب الجديد دايما لأنه بيدينا أمل في الحياة، شيء رائع إن الإنسان يشوف فنانين جمال وصغيرين وحلوين، وأنا بحب دنيا سمير غانم أوي، ولو هنعمل فوازير أرشح دنيا سمير غانم".

وتابعت: "كل شغلي بالنسبة ليا مهم، سواء كان مسرح أو سينما، وبالنسبة ليا كله ممتع، وبالنسبة للمرحلة اللي كنت بعمل فيها الفوازير كانت أمتع وأجمل لحظات حياتي، وكانوا بيقولوا أني أنفع أقوم بدور نفرتيتي، لأن رقبتي طويلة زيها وأنا حاطة صورتها عندي حاليا".