حل المطرب فارس ضيفا على تلفزيون اليوم السابع مع الزميل علي الكشوطي رئيس قسم الفن باليوم السابع، وقال فارس عن فترة الاحتجاب لمدة 14 سنة، :" لم يكن قرار سهل، وكان كأنك تنتقم من نفسك ، لكن كنت متابع للحركة الفنية وشايف أن في ثراء وتنوع في الألوان وفي ناس كتير عاملين حاجات كويسة جدا وأيضا في حاجات دون المستوى".
وعن تدهور حال المزيكا قال،" حاول تقنع الجمهور بحاجة تانية أحسن ، وانا مقدرش اهاجم اللي بيقدموا الأغاني دي ابدا لأن انا في بدايتي اتهاجمت وقالوا عليا أغنية شبابية ومحدش عارف ممكن في مرحلة ما هذه الأغاني تصبح كلاسيكيات، الا اذا انت حاولت تعمل نوع موسيقى تجذب هؤلاء الأشخاص و ترتفع بمستواهم".
وعلق على الأشخاص المزيفين الذين يمارسون التنمر على الفنانين على السوشيال ميديا:"ده لأن هما أصلا مزيفين، طبيعي أن أي حد تشوفه هيكون مختلف شوية عن طبيعته، وطبيعي أن يكون في منتقدين لأن مش كل الناس هتجتمع على حب حد، مش كل الناس هتحب فارس او غيره ".
وكان عاد المطرب فارس، نجم فترة التسعينيات، بأغنية جديدة طرحها عبر قناته على يوتيوب بعنوان "عصبى" بعد غياب سنوات، كلمات وائل توفيق وألحان محمد قماح وتوزيع محمود صبرى وميكس وماستر ساندو.
وتقول كلمات الأغنية:
عصبي متزعليش
ببقى ليه كده متعرفيش
بس وانا جنبك متخافيش
انا مأذيكيش ..
ده كلام بيجيب كلام
بنعاند ليه بقى و يحصل خصام
وبعد كل ده بنرجع اوام
واحنا بنا غرام.
وشارك فارس حفلة القرن وهى الحفل التى تجمع بين عدد كبير من مطربى الثمانينيات والتسعينيات والتى كانت في عام 2017، ومن أبرزهم محمد الحلو، وحسام حسني، ومحمد محيي، وسيمون، وأحمد عدويه، والراحل على حميدة.
وكان المطرب فارس قد طرح آخر أغنية له في 2015 أغنية بعنوان "ست البنات"، وذلك بعد اختفاء دام لأكثر من 7 سنوات، وتقول كلمات الأغنية: "ست البنات لو تسمح تفتح قلبها المقفول.. يا إما عن اللى هيجرى منى هبقى مش مسئول.. ف خدودها غمزتين آهين لو اتشافوا.. ضحكتها بتزيدهم جمال بشكل مش معقول".
تم أضافة تعليقك سوف يظهر بعد المراجعة