رصدت الإعلامية دينا عبد الكريم فى حلقة اليوم من برنامج "شغل عالى" الذى تقدمه على قناة "cbc"، أشهر 10 أكاذيب بيقولها العاملين في "شركات السياحة"، وهى قطاع في تحدى حقيقى في الوقت الحالي بسبب الظروف العالمية، قائلة، الكذبة الأولى، أن الرحلة كلها تتكلف 4 آلاف جنية فقط وفى الحقيقة بتكون أكتر من كدا لأنك بعد ما توصل بتتفاجئ أن عندك رسوم أخرى والمفاجأت دايما في الفلوس مش حلوة .
وأضافت دينا عبد الكريم، الكذبة الثانية بيقولها العاملين في السياحة في رحلات الحج والعمرة وهى أن اطلالتك مميزة هتشوف منها الحرم مباشرة والحقيقة بتكون صادمة، نفس الصدمة بيشعر بيها المستخدم لما يقول لك الشاليه أمام البحر وتتفاجئ بخلاف كدا، أما الكذبة الثالثة أن مفيش عميل بيرجع يشتكى، والكذبة الرابعة أن العاملين بالسياحة بيقبضوا بالدولار، ودا طبعا مش حقيقى خاصة أن أمامهم تحديات كبيرة جدا وظروفهم تتقلب للظروف التي تعيشها البلدان .
وتابعت دينا عبد الكريم، الكذبة الخامسة أن العاملين في السياحة هيتجوز أجنبية، والكذبة السادسة، كلمة سياحى يعنى مميز، أما الكذبة السابعة شركة السياحة رأس مالها كبير ، ودى مش حقيقة، وهى في الأصل بتقدم خدمة، والكذبة الثامنة الحقيقة زى الإعلانات والموضوع دا محبط جدا، أما الكذبة التاسعة ممنوع إقامة السيدات بمفردهم ودى جملة بعض الفنادق بتقولها وهى من الكذبات والتضليل لأن مفيش أي قانون بيقول كدا، والكذبة العاشرة السياحة يعنى فرفشة وسهر وسفر ودا مش حقيقى لأن فيه التزمات وروتين وحياتك طول الوقت فيها طوارئ.
تم أضافة تعليقك سوف يظهر بعد المراجعة