أيام صعبة وذكريات مؤلمة عاشتها الفنانة هدى المفتى وقت إصابتها بفيروس كورونا لأول مرة في بداية الجائحة وحكت عن تفاصيلها من خلال برنامج "معكم" للإعلامية منى الشاذلى وقالت: "لما جاتلى كورونا فجالى جلطة فى الوريد اللى بيوصل الدم للأمعاء وبسبب إنه ما اتعالجش عمل غرغرينة فى جزء من الأمعاء فقرر الدكاترة يستأصلوا الجزء ده وكانت عملية كبيرة وفضلت فى العناية المركزة أكتر من شهر ومنعوا عنى الأكل والشرب"
وعن مواصفات شريك أحلامها علقت المفتى: "مش مرتبطة وما عنديش مواصفات لفتى الأحلام ولكن يفرق معايا أخلاقيات الإنسان وروحه وبتكسف أعمل فيديوهات على السوشيال ميديا ومش بحب أبين حاجة شخصية لكن أحب أبين حاجات عن شغلى ومش بحب حد يتدخل فى حياتى زيادة أو بطريقة غير لائقة لأن فى ناس بتسأل أسئلة محرجة".
وبالحديث عن فيلم كيرة والجن ودورها كراقصة قالت المفتى: "اتسألت بتعرفى ترقصى فقلتله آه بعرف طبعا فقالى قصدى الرقص بتاع زمان بتاع سامية جمال فخايفة الدور يروح فقلت له آه بعرف وممكن اتعلم برده لأن الشخصية أصلا مستوحاة من تحية كاريوكا عشان كانت مع المقاومة ضد الإنجليز".
