علق الفنان شريف سلامة على أول لقاء جمعه بالفنان الكبير محمود عبد العزيز، وقال: "أول مرة قابلته كنت عالبحر، فبصلي وسألني أنا ليه ببصله كدة، قولتله عشان حضرتك محمود عبد العزيز، قالي عنيك فيها حاجة غريبة أوي".
وأضاف خلال لقائه مع الفنان أمير كرارة ببرنامج "سهرانين" الذي يذاع على قناة "on": "سألني أنا بدرس إيه قولتله إخراج وتمثيل، قالي طب ليه مش بتمثل، تعالى يوم الأحد، وفي دور هرشحك له والمخرج اللي هيقرر أنك هتشارك أو لا".
وقال: "في مسلسل محمود المصري، قعدت قبلها بيوم علشان مغلطش وأنا واقف قصاد الفنان الكبير محمود عبد العزيز، كنت عاوز أبقى قد المسؤولية وعاوزه يقول الولد ده كويس، وكنت بحفظ المشاهد وأسمعها وأنا نايم، ولما مثلت قصاده، قالي في يوم من الأيام هتبقى نجم كبير".
تم أضافة تعليقك سوف يظهر بعد المراجعة