شرطى الأساسى اللى يتجوزنى ياخد قططى معايا.. مروة ابنة محافظة المنيا أخصائية اجتماعية لقبت بعاشقة القطط وتعول أكثر من 150 قطة منها المصابة بقطع باليد وفاقدة السمع.
تحكى مروة مجدى لـ"اليوم السابع" حكاية عشقها للقطط قائلة: "الموضوع بدأ معايا من وأنا طفلة كنت بربى القطط فى البيت لكن مش كتير ودلوقتى بعشقهم عشق رهيب وحياتى مرتبطة بيهم أحيانا ممكن أرفض الزواج لمجرد إن الشخص رافض القطط".
وتابعت مروة حديثها: "اتعرفت على السوشيال بمنقذة القطط، ووقتها حياتى تحولت من عاشقة للقطط للمنقذة، بنزل الشارع أستلم القطط أيا كان عددها أو الإصابة اللى فيها وبتواصل مع الطبيب المتخصص لعلاجها والعدد عندى فى زيادة دائمًا بسبب إنى بتبنى يومًيا قطط وأكتر حاجة حريصة عليها التغذية والأكل البيتى، ودايمًا بعمل ليهم رز وجزر أو رز وبسلة وفراخ".
