ناقش برنامج راجل و2 ستات المذاع على قناة on تقديم الإعلامية شريهان أبو الحسن والفنانة هيدى كرم، الغموض بين الطرفينن، كما أجاب عن السؤال الأهم: "هل الست الغامضة أخطر من الراجل الغامض؟".
من ناحيتها، قالت الإعلامية شريهان أبو الحسن: "موافقة على فكرة أن الست الغامضة أخطر من الرجل الغامض، لأن هناك ساعات بقتحمها يمكن مش عاوزة تتكلم معايا.. الست الغامضة مثيرة للاهتمام.. والست الغامضة ديما توديك وترجعك ومتفهمش انت قريب ولا مدياك جنب وبتبقى قاصدة.. ومش بتريح الراجل.. وهى كل يوم بحال ومش راسية.. والرجالة فى بداية العلاقة بيحبوا الجو ده قوى فى الست".
وعلق الفنان أحمد صلاح حسنى : "الست الغامضة أخطر من الرجل الغامض، والست الغامضة هى اللى مش بتقول كل حاجة للطرف الأخر.. فيه ناس طيبة واللى فى قلبها على لسانها، ولكن هناك ناس تعرفه بقالك سنين ولكن غامض جدا.. والغموض مش حاجة وحشة ولا بخل ولا حاجة.. من ذكاء الست بتبقى عارفة الراجل كويس قوى فى مراحل البداية فتبقى عارفة تديله قد ايه".
وعلقت الفنانة هيدى كرم: " والست الغامضة هى ذكية جدا.. واكتشفت أن أنا كده عندى نفس الصفات.. وفعلا مش بحكى حاجات كتير جدا.. وباخد وقت مع نفسى كتير جدا عشان اتكلم".
وعلقت الإعلامية شريهان أبو الحسن، هل الست الغامضة أخطر من الراجل الغامض؟: "هناك غموض خاص للشخص ومعلومات عن حياته الشخصية هتبقى حرة فيها تقولها او لا تقولها.. وهل الرجالة بتفرح بغموض المشاعر"، ويرد أحمد صلاح حسنى:"على حسب كل حاجة وبالنسبة لأصلها ولو فى بداية العلاقة بيبقى حلو وبعد كده دخلنا فى العلاقة وبيقنا مع بعض مينفعش يبقى فيه غموض فى المشاعر.. وساعات الراجل بيحب الست تقول له حاجة أو العكس.. واعتقد لو زادت عن حدها او قلت ميبقاش صح".
الفنان أحمد صلاح حسنى : " هناك رجالة بتبقى مستريحة للستات فبيتكلم ويقول كل حاجة، وهناك رجالة لما تتكلم معاه الست بيتغير.. وتقرر الست انها تقدر الكلام معه.. ولابد من وجودها بنسبة تبسط الطرفين فى غموض المشاعر.. والنسبة دى مع العشرة بتبان كام فى المية".
وكشف الفنان أحمد صلاح حسنى: "افتكر عيد ميلادة من قرايبى وصحابى فى الإسكندرية.. ولما كبرت مبحبش اعمل عيد ميلادى".
وقالت الفنانة هيدى كرم: "كان زمان فيه حاجة اسمها حلة الاتفاق وهى عبارة عن عن حلة بتبعتها ام العروسة فى يوم الصباحية.. وكان هناك عادة يدخلوا ام العروسة والعيس يملوا الثلاجة أكل شهر كامل".
عرض برنامج راجل و2 ستات المذاع على قناة on تقديم الإعلامية شريهان أبو الحسن والفنانة هيدى كرم، تقرير مفصلا عن نوفارتس مصر للأدوية تُطلق مؤتمرًا للتوعية بمرض قصور عضلة القلب.
وقال الدكتور أحمد شرابية رئيس وحدة أمراض القلب والسكر بالشركة، إن اليوم لديها أمل جديد لمرضى قصور عضلة القلب بعلاج جديد، والمرض هذا يمثل 30% من مرضى القلب، مضيفا ان هناك تحديات لمرضى القصور لابد من توعيتهم، والتشخيص المبكر، وتوفير الادوية والعلاج الحديثة".
وأكدت الدكتورة جيهان رئيس القطاع العالمى بالشركة، إن الشركة دائما ملتزمة تجاه مرضى القصور العضلى بالقلب، ويعد من اهم الأمراض المزمنة على مستوى العالم ويصيب 60 مليون شخص، مضيفة أن فى مصر عدد المصابين بالمرض أكبر وكذلك يصيب ما بين سن 55 ل 57 عاما، يمثل عبء مادى على الدولة وكذلك على أسرة المريض، واليوم نعطى أمل جديد على عقار جديدة.
وأوضح الدكتور هشام صلاح الدين أستاذ القلب بجامعة القاهرة، أن هناك بعض الدراسات أظهرت أن هناك دواء جديد لعلاج مرضى القلب، وهذا الدواء أدى نتيجة فعالة لمرضى القلب الأنبساطى، والدواء يقلل الأعراض ودخول المريض للمستشفى.
وقال الدكتور محمد صبحى، أستاذ القلب بجامعة الإسكندرية، إن أساب المرض هو الضغط والشريان التاجى، وتقدم السن والسمنة وعدم انتظام الضربات، تم تجربة العقار على 43 مريض على 43 مركز حول العالم لمدة 3 سنوات وتبين أن هناك تحسن فى التنفس، مضيفا أن مشكلة هبوض القلب يعد مكلفا على المريض.
وقال الدكتور سامح شاهين أستاذ القلب بجامعة عين شمس، إن العلاج الذى تم طرحة طبقا للأبحاث التى تمت عليه تبين أنه يقلل نسبة دخول المستشفى، وليس منع مرض تمام ولكن يقلل نسب دخوله المستشفى وبالتالى هو إضافة للمريض أن يمارس حياته.
تم أضافة تعليقك سوف يظهر بعد المراجعة