قالت المطربة شذى، إنها تحاول تقديم كل ما هو مختلف ومميز، مؤكدة: "راجعة وبقوة.. ومعنديش تارجت عشان مش بنافس حد.. واللى بعمله بكون بحسه.. بختار الأغاني اللى بحسها ومش بمشي ورا الموضة، عشان مضحكش الناس عليا".
وأضافت خلال حوارها على تلفزيون اليوم السابع، في تعليقها على المهرجانات :"الهبد اللى بيتسمع دلوقتي مطلوب، ولكن مش لازم يكون لوحده، التنوع حلو.. أي منتج ينتج دلوقتى هو بطل خاصة إن السوق متلخبط ".
وواصلت :"أنا ماليش غير ربنا، وبحاول أتكلم معاه طوال الليل قبل ما أنام، واقرب منه بشكل أكبر.. وبحاول أتجنب المشكلات".
وفى وقت سابق طرحت المطربة شذى أغنيتها الجديدة "مقلوبة حياتي" عبر عدد من المنصات الرقمية والإذاعات المختلفة، والأغنية من كلمات أحمد الجندى وألحان مدين وتوزيع عمرو إسماعيل ومهندس الصوت ماهر صلاح، وتعد أولى أغانى شذى في عام 2021، حيث بدأت الترويج للأغنية من خلال طرح البوستر الدعائى لها قبل أيام.
الأغنية لم تكن مرتبطة بمناسبة معينة، ولكن قررت شذى ومعها القائمون على الأغنية أن يشاركوا جمهور شذى بـ"أجمل أوقات" في عيد الحب لأن الأغنية تنتمي إلى نوعية الأغانى "الرومانسية".
