أكد الكينج محمد منير، خلال لقائه بـ"تليفزيون اليوم السابع" مع عمرو صحصاح، رئيس قسم الفن، والزميلين عادل عبد الله ومنة الله يحيى، أنه بصحة جيدة ويفكر فى الزواج، وأنه لا يعرف يعيش دون حب ودائما فى قصة حب.
وقال الكينج لـ"تليفزيون اليوم السابع": "معرفش مين بيوجهنى ولكن الناس محتاجة تسمع مزيكا وأغنية جديدة، وبحاول أعمل أغنية حلوة في كلامها ولحنها، وأنا متجه للشكل الجديد دايما لأنى بحب التغيير وعطائى للفن دايما ومقدرش أكون أسير مدرسة واحدة".
وعن رأيه في المهرجانات الشعبية قال الكينج محمد منير: "الفن عمره ما كان في حاجة وحشة، ولكن في فن ضعيف وفى فن قوى، وأنا أتمنى أن كل زملائى يقدموا أغنية قوية في مضمونها وكلماتها وألحانها، لكن موضوع المسميات مهرجانات أو غيره مش هيفرق لأن اللى يهمنى إن أحب الأغنية وأقدر أسمعها".
وتابع الكينج محمد منير: "الفن متعدد الهوايات، وفي فن بينعشك وفي فن بيسلى وفى فن له مضمون، وكلها مطلوبة وكل الاختيارات متاحة قدام الجمهور، المهم مزاج الناس رايح لفين وقتها وأنا أسير لكل نوعيات الأغانى".
