قالت الإعلامية لميس الحديدي إن الرئيس عبد الفتاح السيسى يواصل جولاته فى أسبوع الصعيد ضمن الأسبوع الذى يكشف استثمارات الدولة فى الصعيد وتنميته واليوم كان يوم الكهرباء.
وأضافت خلال برنامجها " كلمة أخيرة " المذاع على شاشة " ON" قائلة : لو فى قصة ساطعة فى مصر ستكون هى الكهرباء وكلنا عارفين الحكاية وهى كانت ساعات طويلة نمضيها فى انقطاع الكهرباء مابين عامى 2012 وحتى 2014 وزادت شوية.
وأوضحت أن مدينة الإنتاج الإعلامى كان لها قصة شهيرة فى السابق مع أزمة انقطاع الكهرباء حيث انقطعت الكهرباء وتأخر موعد البرنامج حينها " هنا العاصمة " على شاشة سى بى سى قائلة : مش بس كده دى مرة اتقطعت وإحنا على الهواء ودى مشاهد عمرنا مشفناها لكن كنا عايشين فى كابوس اسمه " الكهرباء ".
وتابعت : " قصة الكهرباء مش من بعيد بس إحنا بننسى وكل مواطن فى مصر كان ليه حكاية مع انقطاع الكهرباء ما بين شراء المولدات " جنيرريتيور " والأجهزة التى تحافظ على قوة التيار خشية اختراق الأجهزة كانت فترة صعبة ومين كان يتخيل أن ده يتغير فى سنوت قليلة وباستثمارات 355 مليار جنيه تحولت مصر من كابوس " انقطاع الكهرباء خاصة فى الصيف مع الأحمال إلى دولة بتصدر الكهرباء ولديها ربط كهربائى مع دول الجوار وليس ذلك فقط بل دولة تملك محطة بنبان لتوليد الكهرباء من الطاقة الشمسية وهى الرابعة عالمياً والاولى إفريقياً وفى الشرق الأوسط ".
تم أضافة تعليقك سوف يظهر بعد المراجعة