تفاصيل مأساوية روتها الفنانة المعتزلة شريفة ماهر، عن علاقتها بأبنائها.. قالت إنها وزعت جزءا كبيرا من ميراثها لكنها تعرضت لمعاملة قاسية من أولادها.
وقالت، شريف وطارق شتمونى شريف زقنى مرتين ودراعى اتكسر من 4 سنين وأخدوا كل اللى حيلتى" وأضافت "شريف طول عمره بيحب الفلوس أكتر من أبوه وأمه بيعبد القرش" وعن ابنتها ناهد قالت: "مش حنينة وقلبها جامد علىّ، أجمد من إخواتها دى ما سألتش علىّ".
وقالت : "فى فيلم أعز الحبايب شكرى سرحان ضربنى بالقلم وعينى جابت دم وما بقتش أشوف كويس" وأضافت "شريف استغل الحكاية دى ومضانى على 4 عقود لأملاكى ما أعرفش عنهم حاجة" وتابعت "مش هشتكيه ربنا هيجيب لى حقى أبوه قبل ما يموت قال لى هأمّنك عشان شريف لما أموت هياخد منك كل حاجة"
وأضافت بأسى: " طردنى من شقتى الإيجار ودلوقتى قاعدة فى عمارة كاتباها باسم بنتى نيفين وحد قال لى إن شريف طلب الفيلا من الشهر العقارى رغم إن نيفين مسجلاها، وفعلا استولى عليها وخان الأمانة
فيما رد شريف نجلها، "مش ممكن أشتمها وإيدى تتقطع قبل ما أمدها.. وأضاف أنا اشتريت الشقق اللى عليها المشكلة وعامل صحة توقيع منذ 2007 والمهندس اللى بنى العمارة معها شهود على هذه العقود".
وأكمل أن أمه حررت محضرا ضده واتهمته بضربها وسبها وكسر الشقة، دون وجود أى إصابات وهو ما يتضارب مع روايتها الآن.
تم أضافة تعليقك سوف يظهر بعد المراجعة