أحبت الرسم منذ طفولتها وكانت تستخدم الأدوات التقليدية من أقلام الألوان والفرشاة لرسم لوحاتها الفنية، ورغم دراستها للسياسية والاقتصاد إلا أنها لم تنسى شغفها وهوايتها المفضلة وهى الرسم، وبدأت تطور من نفسها وتتعلم طرق جديدة ومختلفة للرسم مثل الفحم وألوان الباستيل للرسم، وشجعها والدها على تنمية موهبتها بجانب اهتمامها بحياتها المهنية.
ورسمت سالى أغنية حمزة نمرة، الجديدة التى تحولت إلى "تريند" بين الشباب، وعبرت عنها بمكونات الكشرى، ودمجت الأغنية بالكوميك الشهير للفنان نبيل شعيل حيث رسمت بمكونات الكشرى الفنان حمزة نمرة والفنان نبيل شعيل، وكتبت "فاضى شوية ناكل كشرى فى حتة بعيدة وجطعة صلصلة فى علبة كبيرة وخلي حساب الدقه عليا".
حمزة نمرة
بوست سالى على الفيس بوك
حسن حسنى ورجاء الجداوى
رسم سالى بالأكل
وتابعت سالى: "بدأت استخدم أكلات تانية فى الرسم، زى الشيكولاتة والرمان وعجينة الكريب، والفول والتونة والتوابل والڤيجيتار والزبدة والسمنة التوابل، عشان أثبت نفسى أكتر فى الاتجاه ده، ورسمت مشاهير كتير وأشهر رسوماتي كانت للفنان حسن حسني ورجاء الجداوي وكانت بالعسل الأسود".
رسم سالى مجدى
وعن الصعوبات التى تصادف سالى أثناء الرسم وربما تتسبب فى إفساد لوحتها، قالت "الصعوبات اللي بقابلها، إنى أرسم بماده سائلة، بيكون صعب التحكم فى الرسمة، وكمان الرسم بالأكل بيحتاج مجهود مضاعف عن الرسم العادى، لكن بالتعود بيكون الموضوع بعد كده سهل".
رسم سالى
شخصيات أحمد مكى
تستغرق سالى وقتا طويلا فى رسم لوحاتها بالطعام، حيث قالت :"وقت الرسم بيتحدد حسب عدد الشخصيات، يعنى لو الرسمة بتاخد أكثر من شخصية، بتاخد منى ساعتين أو ثلاثة ولو رسمة بسيطة بتاخد نص ساعة، ومصير الرسمة إنى باكلها بعد ماتصويرها".
شخصيات محمد صبحى
حلم سالى مجدى ليس له حدود، والذى عبرت عنه قائلة "نفسى أطور من رسمى وأعمل مؤسسة لتعليم الرسم لأطفال متلازمة داون وأعلم الأطفال المحتاجة وأنمي موهبتهم، ويكون ليا أثر طيب فى نفوس الناس وأكون سبب فى حبهم للرسم".
صورة أخرى لرسم سالى
عمرو دياب
محمد فوزى وليلى مراد
محمود ياسين وشهيرة
تم أضافة تعليقك سوف يظهر بعد المراجعة