بدأوا الحرب من عالنت
سقونا السم وشربنا الطعم
خلونا اخدنا خلاص عالدم
بدأوها بالطفل
وراس الراجل ساووها بالست
قفلوها بالقفل والاقزام خلوها ترند
قدروا يخشوا جوا البيت
قلبوا حياتنا جهاد فى شاشات
بقينا نحضر فيه عفاريت
وندبح بعض يا خلق بشات
الكل عامل ابو العريف
وحابس نفسه فى التليفون
عايش فى بيته زى الضيف
ومضيع عمره يوم ورا يوم
بيفتى ويهبد ويقول اى كلام
وياسلام على الضحك على الدقون
بيعلموك حاجات كتير
ويفهموك ان الشر خير
ويكتفوك بالاوهام
ده حلال وده حرام
وأخرتها حزام أو قنابل أو رصاص
روح استمتع فى الجنان
دى الشهادة هى الخلاص
قابل غيرك باحترام
اخدعه واكدب عليه
وبكرة نعملك مقام
والناس تروح تتمسح فيه
يحشوا دماغك بالكلام
ويفهموك انه دين
دين ابوهم يا سلام
اللى منعرفله دين
يكبلوك بالشعارات
ويكتفوك بالشياطين
امتى قالوا فلان ده مات
امتى كانو مخلصين
يا سلام عليك يا شات
و على خبث المتأسلمين
الفكر ما بين ضلوعنا فات
و عذب فينا يا ناس سنين
بارب تفوقوا يا حضارات
و تشوفوا بعينكو بقينا فين
ليه الحب ما بيننا يا خلق مات
و ليه بقينا متفرقين
عايشين حياتنا جهاد فى شاشات
سقونا السم و قلنا آمين
