اتغيرت ملامحنا وتاهت مننا روحنا
غاب الحُب في قلوبنا وبقينا إحنا مش إحنا
نسينا إنها رحلة وكلها يومين وسايبنها
عقولنا بيها مشغولة وروحنا فيها ناسينها
الحزن في قلوبنا شايلينه والفرح بإيدنا خانقينه
والحُب فى قلوبنا ناسيينه وحياتنا مش عيشينها
ناس تايهة في الزحمة وشايلة هموم على أكتافها
وناس ماشية مع الرايجة مفيش حاجة تكتفها
ناس تستنى فرصتها وناس عليها يتعازموا
وناس في عز محنتها، بيصبروا عليها ويعافروا
ناس بتلعب في البورصة، ناس كسبوا وناس خسروا
ناس زادوا وناس نقصوا وناس جروحها يا ناس كتروا
وبقينا إحنا مش إحنا، تاهت روحنا وملامحنا
مات الحب فى قلوبنا وتوهنا فى زحمة الرحلة.
تم أضافة تعليقك سوف يظهر بعد المراجعة