حرص كلاً من الفنان محمد أسامة الشهير بـ"أوس أوس"، والفنان على ربيع، على توجيه الشكر إلى النجم سمير غانم، بعدما أثنى عليهما، مؤكداً أنهما من الممثلين المميزين بمجال الكوميديا، أثناء حلوله ضيفاً على برنامج "السيرة" مع وفاء الكيلانى، خلال حلقتين تمت إذاعتهما يومى الجمعة والسبت، وحرص الفنان أوس أوس، على نشر فيديو سمير غانم، وكتب تعليقًا على عدم تذكر سمير غانم لاسمه بالظبط:"أوسا.. بسوسه.. مش هتفرق يا أسطورة الضحك فى الوطن العربى شهاده افتخر بيها وربنا يديك الصحه ويخليك لينا ونفضل نتعلم منك".
اوس اوس
فى حين كتب على ربيع: "الأسطورة سمير غانم مش هنسي مسلسل لهفه والله مكنتش بقدر امسك نفسي من الضحك والمخرج يزعقلي واقوله ده أستاذ سمير غانم معلش اعذرني انا واقف قدام تاريخ الكوميديا كان الاستاذ سمير يحاول يهديني من الضحك بس كنت بضحك أكتر كلامك الحلو ده احلي حاجه ممكن اسمعها فحياتي يا أستاذ سمير يا أسطورة وأن شاء الله لازم نمثل معاك تانى".
على ربيع عن سمير غانم
