قال المطرب الشعبى محمود الليثى، "أنا أول واحد عمل أغنية كلماتها تنفع مهرجان بأغنية "لخبطلى حالى"، تانى حاجة مفيش حاجة اسمها حد يسحب البساط من حد لأن كل واحد في الدنيا له رزقه".
وأضاف محمود الليثى خلال استضافته في "تليفزيون اليوم السابع"، المزيكا اللى في كل مكان هي المزيكا، وملهاش تغيير، ولكن ممكن يدخل على المزيكا حالة، والمهرجان هو يعتبر الحاجة الحلوة البسيطة اللى دخلت على الناس الغلابة وفرحتهم وهيصتهم ومحدش ينفع يعيب في المهرجان أو يقلل من مصر".
وتابع، الموقف اللى خلى فى سوء تفاهم بين النقابة ومطربى المهرجانات الإسفاف في الكلام لان العيال عاوزين يشتهروا، وروحت مجمع كل أفراد مطربى المهرجانات وقلتلهم انتوا حاليا اشتهرتوا وكل الناس بتحبكوا، نراعى الكلام لأن لما جمعتهم لقيت عندهم كلام يدمر جيل بحاله والنقابة والدولة مش هتقدر لوحدها وكان لازم أقعد معاهم وأفهمهم كل حاجة".
تم أضافة تعليقك سوف يظهر بعد المراجعة