حرص عماد متعب مهاجم الاهلى ومنتخب مصر الأسبق على توجيه رسائل لمحمود الخطيب رئيس القلعة الحمراء وصالح جمعة ومحمود عبد المنعم كهربا لاعبا الاهلى ومصطفى محمد لاعب الزمالك ، وقال عماد متعب الذى يحل ضيفاً على الاعلامى سيف زاهر فى برنامجه وان تو عبر أذاعة أون سبورت إف إم:"كهربا عنده امكانيات كبيرة ولازم يرجع بدنيا بسرعة عشان الاهلى محتاجه ، ولازم يبطل الحركة اللى عملها فى مباراة المقاولون العرب ، عايز تعمل مهارة أعمل مهارة مفيدة ، عايز تقلل من المنافس اكسبه وسجل فيه أهداف أكتر ، لكن حركة زى دى ممكن تتسبب فى إصابتك بدون أى مبرر "
أما عن رسالته لمحمود الخطيب فقال عماد متعب :"أنت أسطورة وبتحب الاهلى بجد وبتتشغل بجد وربنا يكرمك على قد حبك للأهلى"
ووجه متعب رسالة لصالح جمعة قائلا :"حرام عليك نفسك ياصالح ..مش هقول أكتر من كدا"
وقال متعب لمصطفى محمد مهاجم الزمالك :" كمل يابنى انت أفضل مهاجم فى مصر ولو ركزت هتبقى من أفضل المهاجمين فى تاريخ الكرة المصرية وهتحقق كل أهدافك وطموحاتك"
أما عن رسالته للجنة الخماسية قال عماد متعب :"عملين شغل حلو أوى والاهم عندهم ميزان واحد لكل القرارات ، نفسى اللى هيجى بعدهم يكمل على شغلهم ويمشى بنفس الطريقة "
وشارك عماد متعب بقميص الأهلى فى "320" مباراة، سجل خلالها "126" هدفا، ويحتل المركز الثانى فى قائمة هدافى الأهلى فى شباك الزمالك سجل 10 أهداف سجلها فى 6 مباريات.
عماد متعب ثالث أكبر الهدافين المصريين على المستوى الأفريقى، حيث سجل 28 هدفا فى 93 مشاركة.
شارك فى 9 مباريات فى كأس العالم للأندية سجل خلالها هدفين، وأصبح أول أهلاوى يسجل فى كأس العالم للأندية.
كما قاد متعب منتخب الشباب للفوز بكأس الأمم الأفريقية عام "2003" تحت قيادة المعلم حسن شحاتة، وساهم فى تتويج المنتخب الأول بثلاثة ألقاب قارية هى: "2006-2008-2010".
تم أضافة تعليقك سوف يظهر بعد المراجعة