الحب
مشاركة
أمل مهجور
كأي اتنين أنا وانت
على ضفة أمل مهجور
بنتلاقى ف سطرين حزن
نصدق يأسنا المغرور
فتكتبني حروف دايخة
ساعات حلوة .. كتير بايخة
واصدق ان أنا هي..
واكملها واعيش الدور
واعصر من سهر عيني
قصيدة حب حيرانة
واصب كاساتها من حزنك
وافتح للدموع حانة
واقضي الليل انا والحزن
أمام عاشق ف سكرانة
تفوق مني بطلعة فجر
وتنسى ان انت كنت الخمر
وانسى ان الغرام عبدك
وكان قلبي ف هواك مأمور
مشاركة
تم أضافة تعليقك سوف يظهر بعد المراجعة