انا
مستنى على بابك
قولى لى خش افطر
جعان ونفسى أكل
واتغدى واتسحر
ديك بلدى متحمر
والفرخه ب الحبهان
واللورى لونه اخضر
يا هل ترى ممكن
ولا الطبيخ قلقاس
بايت ومتكرر
-------------- هى --------------
الباب بينى وبينك
مقفول ومتسكر
طفيت ب إيدى النور
لا ابيض ولا اخضر
قلبى خلاص انتهى
اوضه بقت ضلمه
من كتر مر الاسى
حالف ليتغير
دوقته مر الحياه
وعايز تدوقه سكر
شجر الحياه عجز
لا مسك ولا عنبر
والباب خلاص اترصد
مقفول ومتسكر
-------------- انا --------------
اخبى ولا انكر
بحبك كتير واكتر
عيونك يا دوب
بتخلى قلبى يدوب
خدودك يا عم عسل
تسمحلى بس ادوق
-------------- هى --------------
باب الهوى مفتوح
وانا قلبى متغندر
ريحه حبيبى تفوح
منه كما العنبر
مقلتش انت كتير
يا دوب عايز سكر
وانا من شفايفى
اديك عسل متكرر
-------------- انا --------------
واقف عند الاشاره
ولسه النور اصفر
دا انا لسه هستنى
بعد الاصفر احمر
طب استهبل
واشوفها اخضر
ولا استنى نارها تكوينى
محتار ونفسى افكر
ان استنيت الاشاره
اوعديت هخسر
يعنى اموت عشان الحب
ولا استنى واصبر
-------------- هى --------------
مستنى ليه الضوء
وانا قلبى مل وضوء
مشتاق لمحرابك
والنبض مع الشوق
سبقنى على بابك
افتح بإيدك مهجتى
واقطف ليالى غرام
دا انا صعب عينى تنام
والفكر متعكر
تعالى يا حبيبى قوام
وانا اغرقك سكر
