إنت النور اللى منورنى
وانتِ الضى الحابى ف بدنى
وانتِ الروح بترفرف فى
حبل وداد مليان حنية
إنت حمام عشش وسكنِّى
انتِ لقلبى البيت والغية
إنتِ العين ف الصبح تلاغى
وعينى ترد كمان ملاغية
إنت الفل ف قلبى زرعته
إنتِ الطيبة سلامة النية
إنت المالك كل شطوطى
إنت الريح بتهزى بيوتى
إنت الهمس ف صمت سكوتى
إنت الحب ف لحظة سكنِّى
إنت الشوق اللى مجننى
إنتِ عبير الورد مفحفح
لمَّا تجورى ولمَّا تحنِّى
