ريشة وقلم - أرشيفية
مشاركة
فى ناس كتير ماشية شمال
عايشين عشان بس المال
مفيش ضمير ولا ذمة
كل شىء معدول مال
أى حرام بيحللوه
إللى يدفع بيمشوه
وإللى يرفض ويعاند
يا ويله بيمرمطوه
دلوقتى الشمال بقى عادى
والكل ماشى كمان راضى
الإحساس فينا مات
وإحنا عايشين بنهاتى
عايشين فى ساقية وبندور
مش طالع ميه ولا نور
الكل بينهب من التانى
الأرض الخضرا بقت بور
السعادة بس فى راحة البال
رضا وستر ولقمة حلال
مش أى سكة نمشيها
ربنا ييسر لينا الحال
مشاركة
تم أضافة تعليقك سوف يظهر بعد المراجعة