صورة أرشيفية
مشاركة
إعمل خير وإرميه فى البحر
وإوعى تسب فى يوم الدهر
مهما الدنيا كانت وياك
إتحمل يوم وإتحمل شهر
إعمل خير متقولش الناس
إنت بتبنى بجد أساس
إعمل خير متقولش ظروف
وإوعى تكون من الخير مكسوف
مهما كبرت ومهما عليت
مهما يكون محتاج البيت
إعمل خير ومتستناش
وإوعى تقول الخير ببلاش
مهما تشوف من الخير دا مرار
إعمل خير لو قابلك نار
عيش فى الدنيا إصبر وإتحمل
هى الجنة دخولها هزار
إعمل خير دا الخير لله
محتاج إيه بعد رضاه
مشاركة
تم أضافة تعليقك سوف يظهر بعد المراجعة