كتاب وناشر ومؤلف
اتجمعوا كل الأحباب
بالقاهرة فى معرض عظيم
للقارئين مفتوح الباب
من كل دولة مشاركين
بكتاب جميل قيم جذاب
خمسين سنة عمر المعرض
لكنه برضو لسه شباب
أديب و شاعر وروائى
متجمعين والكل صحاب
فنان ونجم وإعلامى
كل الفئات وياها كتاب
أنا المثقف يا جماعة
عاشق الكتب وبدون أسباب
ريحة الورق تسحر قلبى
لا تقولى تاب ولا غير تاب
لو أنتو ف العلم دكاترة
أو فى المدارس طلاب
او حتى دارسين ف الجامعة
ف الهندسة أو حتى أداب
احضن كتابك واتعلم
وافتح لأحلامك أبواب
مفيش غنى عن صفحاته
ولا ينفع أنه ف يوم يتساب
ويا الكتاب طمن قلبك
دا العلم عمره ما كان كداب
دا خوفنا و احنا بنتعلم
مالوش محل من الإعراب
تم أضافة تعليقك سوف يظهر بعد المراجعة