أسماء مطاعم شهيرة ليها العجب، لجأ بعض أصحابها إلى إطلاقها عليها سعيا وراء الشهرة وذياع الصيت عن طريق اختيار أسماء غريبة، تركت انطباعًا عند الكثير من المواطنين بالدهشة ومن ثم الإقبال على تجربة هذه المطاعم، فلا تتعجب من رؤية الزبائن متراصة أمام مطعم للمأكولات يحمل اسم "مراحيض أو الجحش أو العبيط" .
مطعم الجحش
اكتسب مطعم "الجحش" الشهير للفول والطعمية شهرة واسعة فى منطقة السيدة زينب أحد أشهر الأحياء الشعبية فى القاهرة، المحل يرتاده بعض السائحين العرب والأجانب وأيضا الفنانين.. حنفي الجحش، صاحب المحل، وضع لافتة مضيئة كبيرة أعلى المحل وتضم عدداً كبيراً من الحمير الصغيرة بجوار صورته.
ويقول حفيده، أحمد الجحش، "احنا بقالنا هنا فى المحل ده حوالى 30 سنة زقبل كده جدى الله يرحمه كان فاتح عربية فى ميدان السيدة زينب كان كاتب عليها الجحش، وسر الشهرة الجحش وده اسم من زمان وكان جدى بيحب الاسم ده حتى اسمه الحقيقى مكنش بيحب يسمعه".
وتابع، "كان معتز باللقب بتاعه جدا، المحل بتاعنا استقبل عرب وأجانب وفنانين كبار أمثال الفنان القدير عادل إمام اللى بيعشق الفول، ومصطفى شعبان وأحلام وغيرهم كتير من الفنانين".
مطعم العبيط
ويقول رمضان عبد التواب صاحب مطعم العبيط للفول والطعمية، "انا سميت المطعم بالاسم ده شهرة للمحل والناس بتبحث عن الاسم الغريب .. كان فى واحد فى العتبة واقف على فرش وعمال يقول أنا الحرامى وكان بيبيع ومحدش جه جنبه .. الاسماء الغريبة بتجذب الزبون وبحترم الزبون اللى بيقولى يا عبيط".
محمود مراحيض
ويقول "عز"، "احنا مشهورين بمحل محمود كبانيه أو محمود مراحيض عشان فى مراحيض عموميه ورانا وزباينا بتيجى على مستوى الجمهورية، فى زبون بنقبل منه يا كبانيه وفى زبون تانى بيقولها بتريقة وفى الحالة دية مش بنقبلها.. فى فنانين كتير بيجوا عندنا زى أحمد السقا وباسم سمرة وهيفاء وهبى والفنان الراحل خالد صالح والفنان مصطفى شعبان وويزو بتاعت مسرح مصر وكلهم بيحبوا السجق الاسكندرانى الحامى".
تم أضافة تعليقك سوف يظهر بعد المراجعة