علقت الفنانة ريم البارودى، على اتهام الفنانة سمية الخشاب لها بأنها كانت "مخلصة فلوس المطرب أحمد سعد"، قائلة:" إنه لم ينفق عليها مطلقاً خلال فترة الخطوبة أو الزواج، وكنت أتمنى أن الجواهرجى بتاعى يكون هنا علشان يرد على مقولة أنى مخلصة فلوسه..هو أحمد معاه فلوس؟ ..الفترة اللى أنا كنت معاشراه فيها كان هو خارج من زوجة وعنده أولاد ..عربيته عليها أقساط ولا يملك بيت أصلاً خالص ..أخلص له فلوسه؟..حاجة تضحك ..كنت أتمنى ونفسى يرد لأنى ماخدتش فلوسه".
وأضافت ريم البارودى، خلال حوارها مع الإعلامية بسمة وهبة ببرنامج "شيخ الحارة"، المذاع عبر فضائية "القاهرة والناس"، أن المطرب أحمد سعد كريم جداً ومسرف جداً، حقيقى مبذر، وكان عنده مقوله أنا أصرف دلوقتى ومحدش يقول ليه "، موضحة، أنها لا تجمعها أية صداقة بينها وبين الفنانة سمية الخشاب كما يقول البعض.
وذكرت ريم البارودى، أن كافة زيجات سمية الخشاب كانوا مرتبطين، مضيفة: " أنا أعرف أنها متجوزة 5 مرات.. منهم تلاتة أعرفهم طلقوا زوجاتهم علشان يتجوزها".
