بعد حصوله على رضا وشعبية المصريين لما أحرزه من أهداف، وحصل عليه من جوائز عديدة على مستوى العالم لتميزه فى كرة القدم، ومقارنته بأكبر لاعبى العالم، استغل أصحاب المحلات بمنطقة خان الخليلى عشق المواطنين للفرعون المصرى محمد صلاح وعرضوا تيشرتات تحمل صورته وأخرى تحمل اسمه ورقم 11 سواء التيشرت الخاص به فى المنتخب الوطنى أو فى باقى الأندية التى شارك فيها السنوات الماضية، على الرغم أن البضاعة المعروضة فى المحال لا تمت للملابس بصلة ولكن تيشرتات محمد صلاح كان له طبيعة خاصة.
ويقول عمر إبراهيم، صاحب أحد المحال بخان الخليلى: "تيشرت محمد صلاح جاب البركة للمحل بقت الناس بتيجى تشتريه مخصوص سواء مصريين أو أجانب كلهم بيحبوه وبنبيعه بـ65 جنيهًا بس ولو اتباع بألف جنيه بردو الناس هاتشتريه من كتر حبهم فيه".
فيما أكد سعد محمد، صاحب أحد محال بيع التحف والهدايا بمنطقة خان الخليلى: "أنا معلق تيشرت محمد صلاح للبيع مش عشان المكسب اللى هايجى من بيعه، بس عشان أنا بحبه وبلاقى ناس كتير بتحبه، وبيدوروا على التيشرت بتاعه فقولت أجيبه عشان أفرح الناس اللى بيحبوه زيي".
أما محمود فتحى، فأكد أن وجود تيشرت محمد صلاح فى المحل "بناخد البركة من أبو مكة اللى كل المصريين بتدعيله وربنا معلى مراتبه".
تم أضافة تعليقك سوف يظهر بعد المراجعة