"يبقى أنت أكيد فى مصر"، جملة تتردد فى أذنك بصورة تلقائية عندما تجد نفسك أمام عامل بسيط فى مقهى بلدى بمنطقة إمبابة، يطل ببشاشته وعفويته على المارة من محل زرقه الكائن بأحد الشوارع الرئيسية بالمنطقة الشعبية والمؤدى إلى عدد من اللجان الفرعية ليحثهم على المشاركة فى الانتخابات الرئاسية.
"عبد الله الحسينى"، عامل فى مقهى بمنطقة أرض الحداد فى حى إمبابة، قرر المساهمة فى حث المواطنين من أهالى المنطقة على المشاركة الايجابية فى الانتخابات الرئاسية، ولكن بطريقته الخاصة، حيث علق أعلام مصر ورسم على الأرض بمدخل المقهى شعار "تحيا مصر" باستخدام النشارة الملونة، وظل يردد كلماته على أسماع المارة "لازم نشارك فى الانتخابات عشان بلدنا".
وقال "عبد الله الحسينى"، ل"اليوم السابع"، "أنا من أسيوط وهسافر بكره عشان أشارك فى الانتخابات ومعايا كل أسرتى، لكن قبل ما أسافر قررت أشجع الناس بطريقتى علشان يصوتوا فى الانتخابات"، مضيفًا "أنا خدمت فى قوات حفظ السلام بالسودان وكان بيعدى علينا أيام من غير أكل وشرب ، والناس هناك عايشين فى رعب، ولازم المصريين يعرفوا إن بلدنا أحسن بلد وكلها أمن، ولازم نشارك كلنا فى الانتخابات عشان نحافظ على بلدنا".
وتابع "رغم إن تعليق الأعلام وكتابة شعار "تحيا مصر" بالنشارة على الأرض حاجة بسيطة، إلا إنها هتشجع الناس وتفكرهم إنهم لازم يشاركوا فى الانتخابات عشان بلدهم قبل كل شئ"، واستطرد "بلدنا دى أحسن بلد فى الدنيا، واللى بعملو دلوقتى برد بيه خيرها وجميلها عليا".
