حصل "اليوم السابع" على نص المحادثات الهاتفية فى قضية رشوة سعاد الخولى نائب محافظ الإسكندرية السابق، من واقع تحقيقات نيابة أمن الدولة العليا بعد أن أمر المستشار نبيل صادق، النائب العام، فى نوفمبر الماضى بإحالة كل من سعاد عبد الرحيم الخولى 63 سنة، نائب محافظ الإسكندرية، وأيمن عبد الجواد بريك 30 سنة، مالك بمشروع واحة خطاب للمأكولات البدوية، وإدريس عبد الجواد 48 سنة محام ومالك بمشروع واحة خطاب، والسيد إبراهيم عوض الله 56 سنة رئيس مجلس إدارة شركة الإسكندرية للمقاولات العامة، وإنشاء ورصف الطرق، وشدوى خيرى فؤاد 43 سنة مالكة مؤسسة مارينا للتجارة والاستيراد، وجهاد أحمد الطنطاوى 56 سنة العضو المنتدب لشركة "لاند مارك" للاستثمارات العقارية والسياحية، وأكرم عبد المعطى 46 سنة مدير إدارة شئون البيئة بمحافظة الإسكندرية فى القضية رقم 20542 لسنة 2017 جنايات قسم المعادى والمقيدة برقم 4517 لسنة 2017 كلى جنوب القاهرة والمقيدة برقم 851 لسنة 2017 حصر أمن الدولة العليا إلى المحاكمة الجنائية العاجلة، لارتكابهم جرائم رشوة موظف عمومى لأداء عمل من أعمال وظيفته، والإخلال بواجباتها، وتزوير محرر رسمى واستعماله، حيث واجهت النيابة المتهمة بتسجيلات الرقابة الإدارية التى تضمنت مقاطع صوتية ومقاطع فيديو للمتهمة وآخرين تثبت الاتهامات الموجهة لهم فى وقائع الرشوة والتربح.
جاء تفريغ المكالمات الهاتفية فى قضية رشوة نائب محافظ الإسكندرية السابق، على هيئة بنود لكل رقم تم رصده، وجاء البند ثانيا فى مذكرة نيابة أمن الدولة العليا بتفريغ المكالمات الهاتفية بالملف المسمى "01200681111" وتبين احتوائه على 7 محادثات صوتية، المحادثة رقم 2 ومدتها دقيقة و17 ثانية ودارت بين رجل نعت بالدكتور وامرأة نعتت بالدكتورة، تسأل فيها الدكتور عن موضوع التقنين، فأجابت الدكتورة قائلة: "الملف بتاعك اتسلم عند بهية وأنا عملت جواب باسمها كأنكم انتوا اللى مقدمينه".
فيما دارت المحادثة رقم 4 ومدتها دقيقة و19 ثانية بين رجل يدعى أيمن وامرأة تسأل الأخيرة عن العيدية، وأكد الطرف الأخر أنه بصدد توجهه للبنك لصرف المبلغ واختتمت المحادثة بسؤال عن " خروف العيد"، والراشى "موجود والله فى المزرعة"، فردت المرأة "بيعه وحط تمنه على العيدية".
ودارت المحادثة رقم 7 ومدتها ست دقائق وتسع وعشرون ثانية بين رجل وأمراة نعتت بـ" سعاد"، وفى بداية المحادثة عرفت المرأة نفسها بـ"دكتورة سعاد"، واحتوت المحادثة على حوار حول الراجل الضيف هيوصل يوم الجمعة علشان نخلص معاه"، وأضافت "سعاد" قائلة بيغنى عليا ويقولى أصل فيه ناس جيالى وقروا فاتحة والحركات دى فقولتله الجار أولى بالشفعة"، واختتمت سعاد المحادثة بطلب فاكهة خوخ وبرقوق ومشمش.
ودارت المحادثة رقم 8 ومدتها ثلاث دقائق و20 ثانية بين رجل وامرأة نعتت بـ"سعاد"، ودار الحوار حول مجموعة من الأوراق طلبت أن يكون فى ظرف سرى، وتقرير مقدم للمحافظ والذى طلب دراستها قانونيا، وتابعت "سعاد" قائلة: "وانا اخدت الورق معايا الاستراحة علشان مبحبش اسيب الورق ده فى المكتب، فرد الرجل: خلاص ماشى استنوا عليه نشوف هيقول ايه".
سعاد: وانا هبعتلك مع " على " ظرف مغلق كده شيك بالمبلغ
الراجل: متشغليش بالك بقى
سعاد: علشان تبقى ضامن حقك
الراجل: يا شيخة صلى على النبى
سعاد: عليه الصلاة والسلام برضة احنا مع بعض فى كل مافيه فوائد هبعتهالك وتخصم
سعاد: الراجل متفاهم ومعرفش انت خايف ليه كده اوى يعنى
الراجل: هنبرشط عليه بكلمتين لما اجيلك ونشوفه يعمل ايه يعنى
سعاد: أن شاء الله
الراجل: يا ريت تكلميلنا دكتور مصطفى الفقى على الموضوع اللى قولتلك عليه، ده موضوع فيه ثواب وفيه خير للبلد
سعاد: ماشى وشوف برضه الضمانات اللى انت عايزها
الراجل: ربنا يسهل
سعاد: معلش انا مضمونه وانت مضمون ومفيش مشاكل بس أهم حاجة والنبى ما تتكلمش فى الحكاية دى لأن الدنيا فى الإسكندرية وحشه اوى
البند الثالث والملف المسمى " 01221303290" وتبين احتوائه على 9 محادثات صوتية ودارت المحادثة رقم 2 ومدتها دقيقة و54 ثانية بين رجل وامرأة وقالت الأخيرة: "أنا كلمتلك بتوع البيئة".
دكتور: أيوه يا فندم
المرأة: قاعدين مع بعض وعملوا الجوابات.. اللازمة خلاص هتروح يوم الاربعاء تقابل المهندسة وهتدفع 50 جنيه
دكتور: بارك الله فيكى يا فندم
المرأة: تمام شوف بقى من 350 ألف هتدفع 50 جنيه
دكتور: لا حاضر من عنيا يا فندم
المراة: والله العظيم كانوا نازلين هيعملولك مخالفة اسمها إيه مش عارفة قانونا ودى بـ 350 ألف جنيه
دكتور: لا لا الغلابة إن شاء الله هتعيد
ودارت المحادثة رقم 5 ومدتها أربع دقائق وعشرون ثانية بين رجلين أحدهما إدريس والآخر عزت، حول حملة إزالة واعتذر فيه الأخير للأول عما حدث قائلا: انت عارف اللى بينا كويس بس الفقرى كان معانا وهو مزرجن شوية.. المهم أنا ومحمد عندك دلوقتى علشان العربى كان قال لنا عدوا عليا خدوا 4 آلاف جنيه".
إدريس: قولتلهم يا جماعة المبنى هيتهد هديلك فلوس ازاى وانا عندى إزالة بكرة، أنا بعمل اتصالاتى علشان أشوف الدنيا هتمشى إزاى.
