قالت النائبة أمل زكريا، عضو لجنة الإدارة المحلية: "أنا ضد تحديد مواعيد غلق المقاهى والكافيهات، لأنها فاتحة بيوت ناس كتير، ومفيش فرص عمل متوفرة ليهم، ولو قفلت القهوة الساعة 12 بالليل الغرزة هتقعد شغالة للصبح".
جاء ذلك خلال اجتماع لجنة الإدارة المحلية بمجلس النواب اليوم الاثنين، برئاسة المهندس أحمد السجينى، لمناقشة طلب الإحاطة المقدم من النائب سمير البطيخى، بشأن ضرورة تحديد مواعيد لفتح وغلق المحال العامة عدا الصيدليات والمحال الحاصلة على رخصة من وزارة السياحة.
وتابعت "زكريا": "الشيشة رغم إنى مش بحبها لكنها حاليا بقت مش منكر، الشيشة أخف وأهون من حاجات كتير تانى وبلاوى بتحصل".
من جانبها قالت النائبة سلوى أبو الوفا، عضو اللجنة: "لازم يتحدد للمحال والقهاوى والكافيهات مواعيد للفتح والغلق، القهاوى بيحصل فيها كل المنكر وبلاوى كتيرة، وناس معاها سنج ومطاوى، لازم القانون يطبق، ولابد فى قانون المحال التجارية الجديد يتنص على تحديد مساحة معينة بين الكافيهات والمقاهى، على الأقل 50 متر، حاليا كل 5 متر تلاقى قهوة".
عدد الردود 0
بواسطة:
عبدالرحمن فضل
النائبة أمل زكريا: "لو قفلت القهوة الساعة 12 الغرزة هتقعد للصبح"
النائبة أمل زكريا: "لو قفلت القهوة الساعة 12 الغرزة هتقعد للصبح" ايضا سوف يشرب فى البيت النرجيله الشيشه و يسخن الفحم على البوتاجاز و غالبا اول مرات سوف يقع من الصنيه على الموكيت و يحرقه و يعبئ البيت بـ رائحه الفحم ثم رائحه الشيشه و الفحم انواع فيه من رائحته خطر و سعره رخيص
عدد الردود 0
بواسطة:
عبدالرحمن فضل
صح النوم
يعني حضراتكم لسه فاكرين الموضوع ده. يعني ما هو الداعي لإستمرار فتح محلات الأحذية والملابس والإتصالات والمطاعم وغيرها للصبح وتستهلك كهربا ومية. وبعدين ياسيادة النائبة اللي يقدر يغلق الكافي يقدر يغلق الغرزة.
عدد الردود 0
بواسطة:
اجيبتاوي
عضو بلجنة الاداره المحليه بمجلس الشعب
هل من المعقول أن تدافع النائبة المحترمه عن ضرورة إطلاق مواعيد فتح القهاوي و الكافيهات بدعوي انها فاتحة بيوت ناس كتير و كمان يتمتع الشباب من ارتياد الغرز ... و هذه فضيحة فهي مهتمه بكام جرسون لكن مش مهتمه برواد القهاوي تاركين أسرهم و زوجاتهم إلى ما بعد منتصف الليل و تأثير ذلك على ترابط و امان المجتمع و كمان تقر بأن الشرطه تسمح بوجود الغرز و تري أن الحل هو القهاوي و بذلك تكون غرز شيك برخصة.. . ما هذا يا ساده