"جادين سميث 19 سنة ثروته تقدر بـ162 مليون جنيه، وافتتح مطعمه الخاص منذ أيام.. شارك الصورة وقل لنا ثروتك وآخر شىء افتتحته" خبر قصير صدمت به واحدة من صفحات مواقع التواصل الاجتماعى جمهورها عن ثروة "جادين سميث" الممثل الأمريكى ومغنى الراب الشاب ابن ويل سميث.
ثروة جيدن سميث
وكان جادين أعلن عن مطعمه يوم 8 سبتمبر لينضم المطعم إلى قائمة أعماله التى تتضمن التمثيل والغناء بالإضافة إلى علامة الأزياء الخاصة به.
أما ردود فعل الشباب على الخبر وسؤال الصفحة فامتازت بخفة الدم الممزجة بالحسرة، حيث علق الكاتب الشاب "محمد إنسان": "ثروتى 120 جنيها، وآخر حاجة فتحتها الثلاجة"، وكتب المدون والكاتب الساخر "أحمد الصباغ": "آخر حاجة فتحتها دماغ سواق كان عايز يغلى الأجرة ربع جنيه"، وكتبت "هاجر شعبان": "معايا 45 جنيه لآخر الشهر ومش عارفة هروح الشغل إزاى"، وكتب "إبراهيم جمال": "أنا إبراهيم جمال 19 سنة ثروتى تقدر بـ(679) جنيها، وعليا 420 لبتاع السوبر ماركت، والباقى هجيب بيه لبس شتوى، وآخر حاجة فتحتها واحد عصير بـ3.5".
.jpeg "ردود الشباب على السؤال (1)")
ردود الشباب على السؤال
فيما طرح "أحمد رفعت" فكرة لمشروع أحلامه وكتب "معايا 200 جنيه، و عايز أعمل مشروع كافيه مغلق الأسبوع كله وفاتح الخميس بس وdress code سبعيناتى وطرابيش للرجالة ونسمع حفلة لأم كلثوم واقفل تانى يوم وهكذا، أول خميس هتبقى أغنية "فكرونى" عشان أنا صاحب الكافيه، بعد كده 3 أغانى يختاروا منها الزباين وهاشغل فى الآخر الأغنية اللى أنا بردو عايزاها، تانى خميس هتبقى أمل حياتى، وكوبليه "وأنت معايا يصعب عليا رمشة عنيا ولا حتى ثانية" هاتبقى on repeat ساعتين مثلا وبعدها نكمل باقى الأغنية عادى".
.jpeg "ردود الشباب على السؤال (2)")
ردود الشباب على السؤال
.jpeg "ردود الشباب على السؤال (3)")
جانب من تعليقات الشباب على السؤال
.jpeg "ردود الشباب على السؤال (4)")
ردود الشباب على السؤال
