أنــا و عـبـاس الأبــيــض
فــوله و إنـقسمت نصين
راس براس وعين بالعين
تـزهـزه مـعـاه تـفـرحـنـى
تـقـفـل مــعـاه تـخـنـقـنى
و تــطــلـع حـبـابى الـعين
و عـلــشـان هــو قــدامـى
صـــورتـه فـى مــلامـحى
و لـــســـانــه بــلـــســانـى
أنــام و أصـــحـى أشــوف
فــى بــطـاقـتـه عــنــوانى
ــ
عباس ياصاحبى يا أجـمـل حكـايه
يا شايل همومك وهم الولايا
و فـارد قلـوعك تـضلل علـيهم
تـحارب وتتعب وتفضل حاميهم
وتمسح دموعك بفرحة فى عنيهم
فى صوتك ياصاحبى يلاقوا الأمـان
لـو مــرة تـحـكـى حـكـاوى زمــان
حـكايتك ياصـاحبى بتنضح مـأسى
وأحـزانك كـبـيره و دايماً مقـاسي
يا عِبس يا ساكن قلوب الغلابه
وكاسـر بحكـمه نياب الديـابه
جمالك فى بالك دايما طويل
وعمرى فى مره ما شوفتك عويل
ــ
بـتكـتـب كـتـابك و خطـك جـميل
تاريخك بـيشهد مفيش مستحـيل
تـسـافـر و تبـعـد تـروح الــصـعيد
تـحـل فى مـشاكل و قـلبك حديد
و ترجع لبـيتك يادوب مـن جـديد
تاخـدك هــمـومـك و تـبـعـد بـعـيد
يـا صاحبى هـمــومك تـهد الجبال
ولاد مــش ولادك و لا أم الــعــيال
وولادك ياصاحبى شايفينك غريب
تـشـاور علـيهم يا دوب من بــعـيد
و تـقـول دول ولادى بس النصـيب
و تـشـتاق إليـهم ما تلـقاش حبيب
كبيرهـم معـاند و راح فى الـغـريق
و بـنــتـك تحـارب بــقــوة فـريـق
رافـضه الوِصَايَا و فرض الخَـطيب
مـحـتاجه لـوالد بــروح الـصـديــق
يشيل عن كـتافـها هـمـوم الطـريق
صحابك ياصاحبى أكيد مش تمام
واحد بـيسرق وأهى عيشته حرام
وواحـده تـتاجـر فـى بـيـع الكـلام
ياصاحبى و إسمـع خلاصة كـلامى
صـاحبك بفـعله مش حـلو الأسامى
و لـو عـايـز تسافـر و تبــعـد بـعـيد
إعـــمــل حـسـاب لأولادك فـى إيـد
و أصـحى لنفسك لتروح فـ الحديد
