سلمت الأيادى
من اللى فيكى يا بلادى
وتعبت أصرخ وأنادى
على اللى بيه وبيكى مش عادى
سلمت من الناس
اللى ما لهم مبدأ وأساس
ولا يهمهم اى احساس
غير نفسهم وخلاص
سلمت من الضمير
الغايب عند كتير
الذمة استك ما فيها الخير
والكرش واسع وكبير
سلمت من الفساد
الاضطهاد والاحقاد
اللى صاب العباد
بالكيد والعناد
سلمت من الغلاء
والجشع اصبح وباء
جه وصابنا بغباء
وما له اى دواء
سلمت من الماديات
طغت هيا والشهوات
وعلى الزمن الحلو اللى فات
حديثه اصبح ذكريات
سلمت من الغم
والهم اللى ما يتلم
وحرقة الدم
من قالوا وقلنا والذم
سلمت من الديون
اللى اصبحت طاعون
صابتنا بالحيرة والجنون
خلتنا لا نكون
سلمت من المشاكل
من عمرنا اللى اتاكل
والناس اللى بتشاكل
وبقينا تماثيل وهياكل
سلمت من الجراح
والعمر اللى عدى وراح
الواحد لا ارتاح
ومن الحياة طلب السماح
سلمت من الافاعي
والمشاعر لا تراعى
للشر وجهة ومساعى
والخير عندهم لا داعى
سلمت من نفسى
من حيرتى و يأسى
من التعب والشقى وبأسى
اليوم وبكره وأمسى
تم أضافة تعليقك سوف يظهر بعد المراجعة