قال "عم ناصر" وهو أحد آخر سلالة صناعة الطرابيش فى مصر، "انا خدت الصنعة دية وانا صبى وحبيت المهنة جدا ولاقيت نفسى فيها، وكان قدامى عتاولة الصنعة وعيشت وسطهم وكان لازم أكون متمكن من نفسى عشان أقدر أقف جنبهم لأن المهنة محتاجة سرعة أداء ومهارة وتركيز".
وأوضح "عم ناصر"، "فكرة الطربوش بدأت من أيام العثمانيين وليست من أيام محمد على.. الطربوش فكرة تركية ألبانية وملقاش نفسه إلا هنا والمصريين اقبلوا على ارتداءه.. وحاليا اللى بيلبس الطرابيش هما بتوع الأزهر والمقرئين والطربوش ليه قيمة ووقار كبير جدا عند مريدى الأزهر.. وبيدى هيبة للى لابسه قدام الناس طول ما انت بالزى الإسلامى هيكون فى خشوع من اللى بتتكلم معاهم" .
واستكمل "الطربوش مش لبس وخلاص.. انا بيجيلى الزبون من حدود الحدود بيقطع مسافة 1000 كيلو عشان يجى هنا وياخد الطربوش لأنه مش لبس وخلاص ده وقار ولاننا احنا اخر سلالة الطرابشية هنا والشغلانة دية وراثة وانا بورثها لأبنى والصنعة دية محتاجة طولة بال كبيرة جدا لأنها شغلة أعصاب".
