يعانى الطفل مالك تامر، منذ أن كان فى الشهر السادس من عمره، من مرض ضمور العضل الشوكى، ولا يتوفر علاج لحالته إلا فى الولايات المتحدة الأمريكية.
وتحكى منى حليم، خالة الطفل مالك: "احنا من الإسكندرية وعملنا تحليل الجينات الوراثية فى القاهرة والنتيجة طلعت بعد شهرين، مالك ابتدا أول المرض وهو عنده 6 شهور، أول حاجة كان عنده ضيق تنفس واتحجز فى المستشفى أكتر من 16 يوم، وبعد ما خرج كان مستمر على التنفس الصناعى، وبعد كدة اتعرض على دكتور أطفال وقال إنه لازم يتعرض على دكتور مخ وأعصاب".
وتابعت: "وصلنا لدكتورة مخ وأعصاب وطبعا كان صعب الوصول ليها بس وصلنا بعد معناه، وطلبت إننا نعمل إشاعات وتحليل، وكانت تشك فى المرض وطلع فعلا إنه عنده ضمور فى العضل الشوكى، وللأسف الشديد العلاج مش متوفر هنا فى مصر، وعلاجه عبارة عن إبرة بتتاخد كل سنة وسعر العلبة 15 مليون جنيه، وطبعا احنا مفيش فى إيدينا حاجه وطول الوقت بندعى أن ربنا يشفيه".
وطالبت خالة مالك الجهات المختصة وأصحاب الخير، بمحاولة مساعدة مالك، والتبرع بتكلفة علاجه، وإدخال السرور على قلب والديه.
الطفل مالك
جانب من التقرير الطبى
مالك والأدوية المتعلقة به
شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع" برقم 01280003799، أو عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.
