والحلم بين البشر
بيحنن قلوبهم
لشىء واحد مجمعهم
مشاعر حب ما تتشافش
وإن حبيت ما تقدرش
تسيب حبك كدا
وتمشى
بننى العين تشوفه العين
وتسأل عنه هو فين
دا كلامه فيه دوا
يشفى الناس
من غل الناس
وتكون قصص الأحباب
مكتوبة فى كتاب
قلوبهم من الفرحة
طايرة فيه زى السحاب
ووشوشهم راسمة
النجوم
بتنور بعشقهم
السموات
كاتبين فى الكتاب
الشعرا الكبار
الى غنوا للحب ألحان
قالوا فيها
الكلمات
و الهمسات
والبسمات
واللمسات
والشعر فيه زى النسيج
لما تغزله يظهر الغزل
خيط فى خيط
وبيت جاب بيت
كتبوا فيه البدايات
لكن الحب كتاب
مالوش نهايات
خالد زى نور
الشمس
عايش زى سحر
الهمس
ودا كأن الدنيا مخلوقة
عشانه
مولودة وموجودة فى
زمانه
الحب هو الجنة
هو اللى تطلب فيه اللى
تتمني
كتاب الحب زى الأغاني
وحقيقة كانت أماني
وقمر طول ليلة
وبقى من نور الأحباب
من ليل للنهار
شاقق فى الجبال أنهار
زى ماشق القلوب
اللى كانت أحجار
بقيت لؤلؤ وماس
وقال كل الأسرار
ودهب مطلى بالأساس
بأسامى كل العشاق
كتاب الحب عمره
ما يتباع ولا يتشري
كتاب فى القلب
بس يتقني
