هاجمت الفنانة ريهام أيمن منتقديها بسبب عدم إظهارها لابنها "رمزى" فى الصور التى نشرتها من عيد ميلاد زوجها الفنان شريف رمزى.
وكتبت ريهام عبر حسابها على موقع تبادل الصور "إنستجرام" :"هو أنا بطلب أشوف ولاد أى حد فيكو أو ولاد أى مشاهير حتى أكيد لأ عشان مش من حقى".
وتابعت: "لما تحب فنان أنت بتحبه هو لفنه وأعماله اللى بتشوفها ولما تحب تشوف صور هتبقى ليه هو مش لولاده أنا ابنى مش فنان ولا مشهور عشان تحبو تشوفو صور ليه على صفحتى أنا.. لما يكبر وهو ياخد قرار انه عايز يبقى مشهور هتشوفو صور ليه على صفحته الشخصية إن شاء الله".
وأضافت: "لكن أنا مبخفش من الحسد ومفيش حد هيحسد فنان بيحبه بالعكس هيفرحله ويتمناله الخير هو وولاده وده اللى انا متأكده منه، ياريت وأنت بتكتب تعليق لأى فنان حط نفسك مكانه الأول هتلاقى إن أنت نفسك متقبلش حد يقولك تعمل إيه ومتعملش إيه فى حياتك الشخصية بمعنى أدق الغير فنية".
واختتمت كلامها قائلة: "ده الأكونت بتاعك أنت تنزل اللى أنت عاوزه طالما مش بتضر حد واللى مش عجبه حاجة أو مستفز من شىء بسيطة بس يعمل unfollow أسهل من إنه يكتب تعليق، ربنا يخليلكو ولادكو اللى أكيد كلهم حلوين أوى ويحفظهم لكم دايماً من كل شر ويشفى كل الأطفال المرضى ويعين أهاليهم أمين يا رب.. مع حبى واحترامى للجميع".